Cargando imaxes...

Encontro coral de música Galaico-Lusa

murallalugo

A Asociación cultural e deportiva, Xungalu convidou á nosa asociación, Solfa, a un primeiro encontro coral de música Galaico-Lusa.

Terá lugar este sábado, día 29 de outubro, ás 20.30 na Igrexa Santiago, A Nova, na Rúa da Raíña. Actuará primeiro a Coral de Solfa e , a continuación, o conxunto vocal Lugh.

Aberto o prazo de matrícula na Escola de Música de Solfa curso 2016/2017

Cartel matrícula3

Do día 13 ao 16 de setembro, de 17.00 a 18.00h atenderemos no Centro Sociocultural das Fontiñas a todas as persoas que queiran formar parte da Banda de Música, Coro, Pandeireta, Baile galego ou recibir clases individuais de instrumentos: clarinete, saxo, frauta, óboe, tuba, bombardino, trompeta, trombón, fagot, percusión, pandeireta e solfexo durante o curso 2016/2017

Teléfono: 616294878 /676675030

Máis información no documento que se xunta:

Actividades, horarios e matrícula

 

 

Solfa na Música no Camiño

Solfanocamino

A Banda de música de Solfa dirixida por Adrián Pais Abuín dentro do ciclo de concertos de Música no Camiño, promovido pola FGBMP e a Axencia Turismo de Galiza, ofrecerá un concerto o venres, día 15 de xullo, ás 20.30h. na Praza das Praterías en Compostela.

Programa do concerto

3º Convivio da Cultura Galega

 3convivioculturagalegaO sábado 9 de xullo celebraremos o 3º Convivio da Cultura Galega, unha xornada de festa e foliada arredor da cultura do País. Na carballeira de Santa Isabel, en Outeiro de Rei, teremos actuacións musicais, con homenaxe a Manuel María, xantar compartido, posibilidade de visitar a Casa Museo do escritor e… moita festa. Pola mañá empezaremos coas bandas e os coros e pola tarde tocar, cantar, bailar… nunha paraxe magnífica.

Queremos convidarvos a que compartades con nós o voso talento e subades ao escenario a mostrar o que facedes.

09:00 h. Saída de Santiago do CEIP das Fontiñas, na rúa de Roma.

11:00 h. A Fundación Manuel María recibe na horta da Casa Museo Manuel María aos participantes deste Convivio.

11:30 h. Saída a pé para a carballeira de Santa Isabel con parada no cemiterio de Outeiro para realizar unha ofrenda a Manuel María.

12:00 h. Na carballeira actuación da Coral de Solfa, dirixida por Francisco Tobar;  a Banda de Música Solfa de Rábade e Begonte, dirixida Adrián País e por Armando Morales; a Banda xuvenil da escola de música de Rianxo, director por  Rafael Collazo e coro do CEIP  Ana María Diéguez dirixido por Irene Amado.

14:00 h. Xantar demorado. Hai que levar o xantar.

17:00 h. Foliada na carballeira aberta á participación de quen queira cantar, tocar, bailar… Contacta con nós en fundacion@manuelmaria.com (tfno: 698 177 621).http://asociacionsolfa.org. (Tlno: 676675030)

Encontro do asociacionismo de base: As directivas (e quen quixer…) reuniranse ás 16:30 h para articular algunha actuación en común para o vindeiro ano.

Programa do 3º Convivio

Concerto dos alumn@s, coral, pandereteir@s e banda de música de Solfa

Copia de CartelO próximo luns día 27 de xuño, ás 19.30h. no centro sociocultural das Fontiñas daremos por finalizadas as clases de instrumento e linguaxe musical para disfrutar dunhas vacacións ben merecidas este ano 2016.

Como remate deste curso os alumn@s de piano, frautas, clarinetes, saxos, percusión deleitarannos cun programa de música clásica e tradicional. As pandereteir@s de Solfa farán o estreo público con danzas e muiñeiras. Convidámoste logo a que compartas a ilusión e o esforzo realizado polos alumnos@s, profes e directiva da nosa asociación.

Programa do concerto